Plantun de Prouvènço

Pèr coumpara dos planto d'encò nostre

Ulmus minor & Rhaponticum heleniifolium subsp. heleniifolium

Ourmèu

Ulmus minor

Ulmaceae

Àutri noum : Ourme, Óume.

Noms en français : Ormeau, Orme champêtre.

Descripcioun :
L'ourmèu, vo l'ourme en mountagno mounte èi pu grand, se recounèis à si fueio pas simetrico à la baso e à si fru.

Usanço :
"Se fahié la ramo à l'autouno [...] avans que la fueio toumbe, quand èro enca vèrdo quoi [...] se coupaves tròu tard, toumbavon tout [...] au mes d'óutobre. Fahian de fais abouminable [...] après lei dounavian ei cabro coumo'cò, ou bèn li òu espoursaves [...] ei lapin atou, quand aviés pas tròu de fen, e bè dounaves un pòu de ramo [...] e fahié de bouon la. [...] Pèr aquelo ramo, ce que fahien tèms passa, pèr garda quaucarèn ! N'en nourrissien lei bèsti tout l'ivèr [...] L'ourme es bouon, oui pasqué tèn bèn la fueio. Castelano (04) (in J.-L. Domenge, EbV, op.cit.). En Alouos se fasié d'"òri d'ourme" emé li galo pèr brula dins "lou calen o lou lanternoun".

Port : Aubre
Taio : 1 à 20 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Ulmus
Famiho : Ulmaceae

Ordre : Rosales

Coulour de la flour : Roso
Petalo : ges
Ø (o loungour) flour : 1 à 2 mm
Flourido : Ivèr

Sòu : Ca (Si)
Autour basso e auto : 0 à 1700 m
Aparado : Noun
Febrié à mars

Liò : Ribiero - Baragno - Ermas - Bartas
Estànci : Termoumediterran à Mountagnard
Couroulougi : Éuroupenco-Caucasiano
Ref. sc. : Ulmus minor Mill., 1768

Lengo-de-cat(-di-fueio-d'inulo)

Rhaponticum heleniifolium subsp. heleniifolium

Asteraceae Compositae

Nom en français : Rhapontique à feuilles d'aunée.

Descripcioun :
Aquesto lengo-de-cat, pulèu raro, trachis en mountagno sus li cengle e dins lis esboudèu. Fai de bèlli mato. Se recounèis à si gròssi flour coumpausado qu'an de làrgi bratèio. Li fueio soun entiero e di proun blanco dessouto. Es uno planto proutejido sus listo roujo, catégourìo LC, es à dire soucit minour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,5 à 1,5 m
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Rhaponticum
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Vióuleto
Petalo : >6
Ø (o loungour) enflourejado : 3,5 à 6 cm
Flourido : Estiéu

Sòu : Ca
Autour basso e auto : 1200 à 2200 m
Aparado : Noun
Juliet à avoust

Liò : Cengle - Esboudèu - Roucaio
Estànci : Mountagnard à Subaupen
Couroulougi : Ouroufito-Sud-Ouèst-Aupenco
Ref. sc. : Rhaponticum heleniifolium subsp. heleniifolium Godr. & Gren., 1850 (= Stemmacantha heleniifolia subsp. heleniifolia (Godr. & Gren.) Dittrich )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ulmus minor & Rhaponticum heleniifolium subsp. heleniifolium

Coumpara Ourmèu emé uno autro planto

Coumpara Lengo-de-cat(-di-fueio-d'inulo) emé uno autro planto